陳庭欣疑捲三角關係自認傻傻哋!


前港姐冠軍陳庭欣(Toby)與商人男友楊振源(Benny)感情穩定,但昨日兩人被貼街招,大爆Benny與另一女子關係曖昧,又指Toby是傻港姐!抱恙的Toby昨日表示男友身處外地,尚未詳細傾談,要再了解事件。

陳庭欣去年公開與身家逾億的商人楊振源拍拖,一直恩愛,剛過去的聖誕節,Toby更網上放閃慶祝聖誕及男友生日,並指過聖誕多了一份意義。昨日有讀者爆料指兩人被貼街招,鬧爆Benny跟一名女子關係曖昧,街招上除了有Benny的照片,還有Toby跟該女子的合照,又指Toby是傻港姐,似有所暗示。

認識女方 但唔熟

Toby昨日接受電話訪問,表示認識相中女子叫阿Yu,是她跟Benny的共同朋友,又說尚未聯絡到Benny及阿Yu:「一個飛咗,一個暫時未有回應,我都唔知發生咩事。(同阿Yu熟?)叫做識,識咗兩年左右,唔算太熟。」

至下午5時,Toby現身旺角與Benny開設的健身中心樓下,身穿便服的她戴上口罩,表示咳了一星期,問到可有再與男友聯絡?Toby說:「佢啱啱落機,我Send咗個新聞畀佢睇,但未詳細傾,首先要處理好件事,要睇番閉路電視係咩人做。(街招話你係傻港姐畀人呃!)我不嬲都傻傻哋,但呢個係題外話啦!」

避談信唔信任男友

問到街招攻擊得Benny好犀利,她信不信任男友?她說:「唔係信唔信任嘅問題,我哋一直相處舒服開心,可能係Benny或者阿Yu同人有誤會,會再了解吓件事。」

此外,Toby好友王子涵對於Benny被貼街招,她說:「日前我都有出席Benny生日會,Toby冇乜嘢喎!我有事留咗一陣咋!(見過阿Yu未?)有見過吓,不過唔熟,應該唔係啩?」另外,當年有傳被陳庭欣搶去Benny,其舊愛劉依靜回應時坦言識得阿Yu:「我唔會評論任何嘢,冇嘢可以回應。」