羅霖遭張國強狂摑眼淚狂標!


羅霖昨日以「仁美清叙」的顧問身份,與主席程瑤及一眾亞姐出席聖誕派對。提到客串無綫劇《逆天奇案》,羅霖笑言獻出多個第一次:「第一次拍自殺割脈同浸浴嘅戲,嗰日得12度,拍拍吓導演嗌Cut,原來我流緊汗,死咗唔可以出汗。」又自爆拍一場被掌摑戲,拍檔張國強事前表示會就住:「佢狂摑我六、七巴,嗰刻呆咗,眼淚狂標,工作人員話打到啪啪聲!不過我冇嬲佢,佢解釋係為咗入戲,有同我講Sorry。好彩我眼耳口鼻係真,有少少痛。」她坦言「冇收錢」拍劇,因客串收入不夠畀化妝費。